Friday, January 7, 2011

8:31 AM
5
എന്റെ കുട്ടികാലത്തെ  ഓര്‍മയില്‍ നിന്നും ഒരു ദിവസം . അന്ന്
  ഞാന്‍  മൂന്നാം  ക്ലാസ്സില്‍  പഠിക്കുന്നു   .........സ്കൂള്‍  വിട്ടു വന്ന  ഒരു സായാഹ്നം .......

 
                                           സിംഹം , കടുവ , ആന ,  കരിമ്പുലി  തുടങ്ങി  വന്യ ജീവികള്‍  വസിക്കുന്ന കാട്ടിനുള്ളിലേക്ക്  നിങ്ങളെയും കൊണ്ട്  ഇതാ ഒരു യാത്ര ..വരുവിന്‍ വരുവിന്‍ , നിങ്ങളും ഒരു ടിക്കെറ്റ്  സ്വന്തമാകൂ "... "വിലയോ തുച്ചം ഗുണമോ മെച്ചം .ഇന്ന് തന്നെ സന്ദര്‍ശിക്കുവിന്‍ , ടിക്കെറ്റ്  വില  അമ്പത്  പൈസ മാത്രം". അനൌണ്‍സ്മെന്റ്  ചെയ്യാന്‍  സലാമിനെ  വെല്ലാന്‍ ഒരാളും ഇത് വരെ ജനിച്ചിട്ടില്ല , അത്രക്ക് സ്വരശുധിയില്‍ ആണ്  വച്ചു കാച്ചുന്നത്‌ , .
                              
               തക്കാളി പെട്ടി കൊണ്ട്  തട്ടിക്കൂട്ടിയ ഒരു   ലോറിയില്‍ ചെറിയ ബാറ്റെരി കൊണ്ട് വര്‍ക്ക്‌  ചെയ്യുന്ന  ഒരു മൈക്കും സ്പീകെറും വെച്ച്  സലാമും ശമീറും  കൂടി  ഇറങ്ങിയതാണ്  മൃഗ ശാല  പരസ്യത്തിന്...
                              
               റോഡിനോട്  ചാരി  ഷമീറിന്റെ വീട്ടിലെ  വിറകുപുരയില്‍ ആണ്  "മൃഗ  ശല്യം  " ഒരുക്കിയിരിക്കുന്നത് , റോഡിലുള്ള  വൈത്യുതി പോസ്റ്റില്‍  ഒരു വലിയ ബോര്‍ഡ്‌ വെച്ചിട്ടുണ്ട്  മൃഗ ശാലക് .. അത്  എഴുതിയത്  ഷമീര്‍ ആണ് എന്ന് ഒറ്റ നോട്ടത്തില്‍  തന്നെ  എല്ലാവരും പറയും .കാരണം പഠിക്കാന്‍ മിടുക്കനാനവന്‍, വലിയ അക്ഷരത്തില്‍ , "മൃഗ ശല്യം "  എന്ന്  കറുപ്പ്  മഷി കൊണ്ട് വെള്ള  പേപ്പറില്‍  നല്ല  ഒന്നാംതരം  "കൂതറ" കൈയ്യക്ഷരം .[ അവന്റെ കൈയ്യക്ഷരം എങ്ങനെ എന്ന് വിവരിക്കാന്‍ ഏറ്റവും അനുയോജ്യമായ  വാക്ക്  ഇതല്ലാതെ വേറെ ഇല്ല ],വെച്ചാണ്‌  എഴുതിയിരിക്കുന്നത് ,.    "മൃഗ ശാല"  എന്നാണ്  കവി ഉദ്ദേശിച്ചത്  , വിദ്യാഭ്യാസം ഇത്തിരി കൂടുതല്‍  ആയതിനാല്‍  ആണ്  "മൃഗ ശല്യം"  ആയത്,.
                              
                അനൌണ്‍സ്മെന്റ്  കേട്ട്  ഞാനും  അനിയനും  കൂടി മൃഗ ശല്യം  കാണാന്‍  മൈതാനിയില്‍  [ വിറകു പുര ] എത്തി.. ടിക്കെറ്റ്  ഇല്ലാതെ അകത്ത്  കടക്കാന്‍  വല്ല മാര്‍ഗവും ഉണ്ടോ എന്ന് നോക്കി . നോ  രക്ഷ  കടുത്ത കാവലാണ്  മൃഗ ശാലക്ക്  ,. .വിറകു പുരയ്ക്ക്  പുറത്ത് , കിണറില്‍  ഇലകളും മറ്റും വീയാതിരിക്കാന്‍ കെട്ടുന്ന വല കൊണ്ട്  ഒരു  മറവു ഉണ്ടാകി  അതിനുള്ളില്‍  ടിക്കറ്റ്‌   കൊടുക്കാനായി  ജലീല്‍  ഒരു ചെറിയ സ്ടൂളില്‍ ഇരികുന്നുണ്ട് . മനസില്ലാ മനസോടെ ഞാന്‍ ഒരു രൂപ കൊടുത്ത്  [ അത്  വല്യുംമാന്റെ വെത്തില പാത്രത്തില്‍ നിന്നും അടിച്ചു മാറ്റിയതാണ് ].ടിക്കറ്റ്‌നായി  അകത്തേക്ക് കൈ നീട്ടി . ജലീല്‍ വല്യ വായില്‍  "ഇനി ആര്‍ക്കാണ്‌ , ഇതാ കുറച്ച ടിക്കറ്റ്‌  മാത്രമേ ബാക്കി  ഉള്ളു  വേഗം കരസ്തമാകിക്കൊള്ളൂ" ... എന്നൊക്കെ  വിളിച്ചു പറയുന്നുണ്ട് .


                                                ടിക്കറ്റ്‌  കയ്യില്‍ കിട്ടിയപ്പോള്‍  സത്യത്തില്‍  ഞാന്‍  ഞെട്ടി . നല്ല ഒന്നാം തരം ലോട്ടറി ടിക്കറ്റ്‌ , അമ്പത്  പൈസക്ക്  കിട്ടാവുന്നതില്‍  വെച്ച് ഏറ്റവും നല്ല ടിക്കറ്റ്‌ ,  ഡേറ്റ്  കയിഞ്ഞ  ലോട്ടറി  ടിക്കെറ്റ്  അല്ലാതെ  മറ്റു  എന്താണ് . അങ്ങനെ  ഞാനും അനിയനും  മൃഗ ശാലയിലേക്ക് കയറി . വിറകു പുരയ്ക്ക് ഉള്ളില്‍   കൂട് പോലെ  ഉണ്ടാകി  അതില്‍  ചെറിയ  ആനയും  സിംഹവും [ കളിപ്പാട്ടങ്ങള്‍ ]   വെച്ചിട്ടുണ്ട് . കുറെ  മരച്ചില്ലകളും  മറ്റും വെച്ച്  കാട്  പോലെ  ഭീകരാന്തരീക്ഷം  സൃഷ്ടിച്ചിരിക്കുന്നു ,  ഓരോ കൂടിലേയും കാഴ്ചകള്‍ കാണുന്നതിനു  ഇടയിലാണ്  ഷമീറിന്റെ വല്യുമ്മ  " എന്താടാ ഇതിനുള്ളില്‍  പണി " എന്ന് ചോദിച്ചു വന്നത് . വല്യുമ്മാനെ  കണ്ടതും ഷമീര്‍  ജാഗരൂഗനായി , വല്യുമ്മ ഇതെല്ലം  തട്ടി  മറിചിടുമോ എന്നാ പേടി  അവനുണ്ട് ," ആ  ബല്ലിമ്മ  ബരിന്‍ , ഇങ്ങക്ക്   ടിക്കറ്റ്‌  ഫ്രീ  ആണ് ,മൃഗ ശാല  കണ്ടോളു" എന്നും പറഞ്ഞു  ഷമീര്‍ പുറത്ത് വന്നു . ഒന്ന് ഇരുത്തി മൂളിയിട്ട്  വല്യുമ്മ  അകത്തേക്ക് കയറി  ,


                                       കാഴ്ചകള്‍ കണ്ടു വല്യുമ്മയും  ഞങ്ങളും അകത്തേക്ക്  നടന്നു , അവസാനത്തെ കൂട്ടിലേക്ക്  നോക്കിയ ഞങ്ങള്‍  വീണ്ടും  ഞെട്ടി , സുന്ദരനെയും  അസാദിനെയും  ഒരേ കൂട്ടില്‍  അടച്ചിരിക്കുന്നു ., ആസാദിനെ നാവ് കൊണ്ട്  നക്കി  സുന്ദരന്‍  ഇങ്ങനെ  നിക്കണ്.. " എന്താടാ  നിങ്ങള്‍ക്ക്  അതിനുള്ളില്‍ പണി " വല്യുമ്മ  ആക്രോശിച്ചു , ഷമീര്‍  ഓടി വന്നു  സുന്ദരനെ  ചൂണ്ടി ഇങ്ങനെ പറഞ്ഞു   , അത്  " കരിമ്പുലി"  ആണ്  ബല്ലിമ്മ , അപ്പോള്‍  അതിനടുത്തുല്ലതോ ? വല്യുമ്മ ആസാദിനെ ചൂണ്ടി കാണിച്ചു " അത്  കരിമ്പുലിയുടെ  കുട്ടിയാണ് . ഷമീര്‍  പറഞ്ഞു .

                                       

    ഷമീറിന്റെ  മറുപടി  കേട്ട്  ചാടി  കടിക്കാന്‍ നിന്ന വല്യുമ്മ പൊട്ടിച്ചിരിച്ചു  കൊണ്ട് പുറത്തേക്ക് പോയി ... 

പോസ്റ്റ്‌  വായിച്ചു  കയിഞ്ഞു  കമന്റ്സ്  ഇടാന്‍  മറക്കല്ലേ ..നിങ്ങളുടെ വിലപ്പെട്ട അപിപ്രയവും നിര്‍ദേശവും ആണ്  എന്റെ  ശക്തി ...........  

=========================================================================
 

5 comments:

  1. ഒരു ചെറിയ വിഷയത്തെ ഇത്ര തന്മയതോടും നര്‍മ്മതോടും അവതരിപ്പിച്ചത് അഭിനന്ധനമര്‍ഹിക്കുന്നു.നന്നായിട്ടുണ്ട്.

    ReplyDelete
  2. എല്ലാ കൂട്ടുകാരുടെയും അപിപ്രായങ്ങല്ക് നന്ദി ....

    ReplyDelete
  3. very good, we will hope another

    ReplyDelete
  4. nanayada kutta nannayi

    ReplyDelete
  5. nostalgic feeling, gud.

    ReplyDelete

എന്തെങ്കിലുമൊക്കെ കുത്തികുറിച്ചോ..മറക്കേണ്ട ..

Related Posts Plugin for WordPress, Blogger...