Monday, February 28, 2011

12:06 AM
5

ഈ  UPA  സര്‍ക്കാര്‍  ഇതെന്തു  ഭാവിച്ചാ.... എന്താണാവോ  എന്നാകും അല്ലേ? 5  കൊല്ലം  നല്ല  ഭരണം കാഴ്ച വെച്ച  സര്‍ക്കാരിനു   രണ്ടാമതും  അവസരം  കൊടുത്ത ,  നമ്മുടെ  തോളില്‍  തന്നെ ഇരുന്നു  ചെവി  കടിച്ചു  എന്ന് പറയുന്നതാകും ശരി .  രണ്ടാമതും  അധികാരം ഏറ്റ സര്‍ക്കാര്‍  ഭരണം തുടങ്ങിയപ്പോള്‍ തന്നെ  IPL  ഇല്‍ തട്ടി  തരൂര്‍  മന്ത്രി  ഡിം താഴെ പോയി . ആ  നാണക്കേട്‌  മായുന്നതിനു  മുന്‍പ്   തന്നെ  കോമ്മണ്‍ വെല്‍ത്ത്  ഗെയിംസ്   അഴിമതിയുമായി  നമ്മുടെ കല്മാടി  സര്‍  ഡിം , അത്  ഒരു വിധം കല്മാടിയെ പുറത്താക്കി പരിഹരിച്ചു . 
അങ്ങനെ  രണ്ടാമതും  കൈ കഴുകി  നില്‍ക്കുമ്പോള്‍ ആണ്   നമ്മുടെ  മഹാരാഷ്ട്ര  മന്ത്രി  ചവാന്‍  ആദര്‍ഷ്  ഫ്ലാറ്റ്  അഴിമതിയുമായി  വന്നത്  , അതും  കണകുണ  പറഞ്ഞു  ഒരു വിധം  പരിഹരിച്ചു , എന്നിട്ടും  തീര്‍ന്നോ ? അരിയും തിന്നു  ആശാരിച്ചിയേയും  കടിച്ചു  , എന്നിട്ടും  നായിക്ക്  മുറുമുറുപ്പ്  എന്ന് പറഞ്ഞപോലെ ആണ്  കാര്യങ്ങളുടെ പോക്ക് . അപ്പോയാണ്    2G  സ്പെക്ട്രം  അഴിമതിയുമായി  മന്ത്രി  രാജ വന്നത് . മന്ത്രി  രാജ കുറച്ചൊന്നുമല്ല  കൈക്കലാക്കിയത്  1760000000000  രൂപ , അന്ന്  ഈ കണക്ക്  കേട്ട്  ഇന്ത്യക്കാര്‍  മൊത്തം ഞെട്ടി . പിന്നീട് അങ്ങോട്ട്  മന്ത്രി രാജയുടെ  അഴിമതിയുടെ  ആഴം  ഓരോ  ഇന്ത്യക്കരനിലും  വീണ്ടും വീണ്ടും  ഞെട്ടലുണ്ടാക്കി ,
ഈ കാശ് എല്ലാം നമ്മളെ പോലെ  ഓരോരുത്തരില്‍  നിന്നും നികുതി ഇനത്തിലും  മറ്റും പിരിച്ചു  ഉണ്ടാക്കിയതാണ്  എന്ന് എനിക്കും നിങ്ങള്‍ക്കും അറിയാം , അത് കൊണ്ട് തന്നെ  എല്ലാവരും ഒറ്റകെട്ടായി  അഴിമതിയെ എതിര്‍ത്തു നിന്ന്  എന്നത് കൊണ്ട്  മന്ത്രി   രാജയും   ഡിം .
രാജയുടെ അഴിമതി  ഇന്ത്യ  കണ്ട, ലോകം  കണ്ട ഏറ്റവും വലിയ അഴിമതി എന്നാ വിശേഷണവും കിട്ടി , അഴിമതി തുക  100  രൂപ കെട്ടുകളാക്കി കുത്തനെ വെച്ചാല്‍  260 കിലോമീറ്റര്‍ ഉയരം  ഉണ്ടാകുമെന്നും  , 100  രൂപ  നേരെ  വെച്ച്  നോക്കിയാല്‍  176000  കിലോമീറ്റര്‍  ദൂരം ഉണ്ടാകുമെന്നും നാം അറിഞ്ഞു , എന്നിട്ടും തീര്‍ന്നോ , 115  കോടി  ഇന്ത്യക്കാര്‍ക്ക്  വീതിച്ചു  നല്‍കിയാല്‍  ഒരാള്‍ക്ക് 1570  രൂപ കിട്ടും ,അത് 3 .5  കോടി കേരളക്കര്‍ക്ക്  വീതിച്ചാലോ  ഒരാള്‍ക്ക് 50720  രൂപ കൊടുക്കാന്‍ ഉണ്ടാകും , ഇത്രയും രൂപ  കിട്ടാന്‍ ഒരു  ശരാശരി  മലയാളി  എത്ര നാള്‍  വിയര്‍പ്പ്  ഒഴുക്കണം  എന്ന് നാം ചിന്തിച്ചിട്ടുണ്ടോ ? ഒരാള്‍  10000  രൂപ  ഒരു  മിനിറ്റില്‍ എണ്ണിയാല്‍ അയാള്‍ക് 3400  വര്ഷം വേണമത്രേ  അത് എന്നി തീര്‍ക്കാന്‍ , അത്  തന്നെ ആയിരം  രൂപ നോട്ടാണ്  എന്നുന്നത് എങ്കില്‍ 340  വര്ഷം വേണം എന്ന് , ഞാന്‍ എണ്ണാന്‍  ഇരുന്നാല്‍  ഞാനും  , എന്റെ മകനും ,എന്റെ പേരക്കുട്ടിയും  , അവന്റെ മകനും , ഇനി  പറഞ്ഞാല്‍ തല്ലു കൊള്ളും, ഇത്ര പേര്‍  എണ്ണിയാലും  തീരില്ല എന്നാണ്  തോന്നുന്നത് .ഇനി  ഇത്  ഇന്ത്യയിലെ  115  കോടി ജനതക്ക്  2 രൂപ നിരക്കില്‍ ഒരു ദിവസം 1  കിലോ  അരി നല്‍കിയാല്‍  രണ്ടു വര്‍ഷവും ഒരു മാസവും  തുടര്‍ച്ചയായി  കൊടുക്കാം  എന്നും  ആണ്  കണക്കുകള്‍ സൂചിപ്പിക്കുന്നത് .

കോണ്‍ഗ്രസ്‌  നേത്രത്വം കൊടുക്കുന്ന UPA  സര്‍ക്കാരിനെ    ഇതിനെതിരെ  ഒന്ന്  കൈ  ഉയര്ത്തിപ്പിക്കാന്‍   പ്രതിപക്ഷ  പാര്‍ട്ടികള്‍ക്ക്  മുണ്ടും മുറുക്കി  ഇറങ്ങേണ്ടി വന്നു .  മറ്റേ  പോലെ  ചെറിയ  ഒരു കൈ കഴുകല്‍ കൊണ്ടൊന്നും ഈ  മണം പോകുന്ന  മട്ടം  ഇല്ല  .  മാസങ്ങള്‍ക്  ശേഷം ആണ്  മന്ത്രി രാജയെ  അഴിമതിയുടെ പേരില്‍  അറസ്റ്റ്  ചെയ്യാന്‍ പോലും സര്‍ക്കാര്‍ തയ്യാറായത് , അതും  പ്രതിപക്ഷത്തിന്റെ  സ്ഥിരം  പ്രയത്നം മൂലം ,  എങ്ങനെ ?. UPA  സര്‍ക്കാരിന്റെ ശീതകാല  സമ്മേളനം പത്തുപന്ത്രണ്ടു  ദിവസം  കുളമാക്കിയത് കൊണ്ട് , അതിലും കിട്ടി ഗജനാവിനു 320  കോടിയോളം നഷ്ടം .
എന്നാ  ഇത് കൊണ്ടൊന്നും  സര്‍ക്കാരിനു  കരക്ക്  കയറാന്‍ സാധിച്ചില്ല  എന്ന്  നമ്മള്‍കെല്ലാം  അറിയാം . അഴിമതിയുടെ ഒരു ചാകര  തന്നെ ശ്രഷ്ടിക്കുകായിരുന്നു   UPA  സര്‍ക്കാര്‍ , ഒടുവില്‍  s band  അഴിമതി ,ഈ  അഴിമതിക്ക് മുന്നില്‍  രാജ മന്ത്രി  അഴിമതി ഒന്നും ഒന്നുമല്ല ,രണ്ടു ലക്ഷം  കോടി  , പറയാന്‍ തന്നെ  എന്ത് ബുദ്ധിമുട്ടാ. ഇതില്‍  കൂട്ട്  പ്രതികളില്‍  ISRO  യും  ഉണ്ട്  , പ്രധാനമന്ത്രിക്ക്  എതിരെ പോലും  അഴിമതി ആരോപണം  ഉന്നയിക്കുകയുണ്ടായി . ഇങ്ങനെ  തലങ്ങും  വിലങ്ങും  പൊതിരെ  തല്ലു കിട്ടി  ഒരു  പരുവത്തിലായി  നികുമ്പോള്‍ ആണ്  സ്വിസ്  ബാങ്കില്‍  ആരൊക്കെയോ   എന്തൊക്കെയോ  ഇട്ടു എന്നും  പറഞ്ഞു അടുത്ത പുലിവാല്‍ . "എന്നെ  അങ്ങ് കൊല്ല് "എന്ന്  പ്രധാമന്ത്രി  മനസ്സില്‍  പറഞ്ഞിട്ടുണ്ടാകും .ഇങ്ങനെ എണ്ണിയാല്‍ തീരാത്ത  അഴിമതി  കണക്കുമായി  ഇന്നും  സര്‍ക്കാര്‍  തലപൊക്കി തന്നെ  നില്കുന്നുണ്ട് .

ഇതിനൊക്കെ  പുറമേ  അവശ്യ സാധനങ്ങളുടെ   പിടിച്ചാല്‍ കിട്ടാത്ത  വിലയും കൂടി  ആയപ്പോള്‍  ഭാരതീയ  ജനതക്ക്  മതിയായി . വിലക്കയറ്റത്തെ പിടിച്ചു  നിര്‍ത്താന്‍  നിങ്ങള്‍ എന്ത്  ചെയ്തു എന്ന് ചോദിച്ചപ്പോള്‍   വിലകുറക്കാന്‍  ഞങ്ങളെ കയ്യില്‍  മാന്ത്രിക വിളക്കൊന്നും   ഇല്ല  എന്നാണ്  മന്ത്രി പറഞ്ഞ ഉത്തരം , ഇവരല്ലേ ഇന്ത്യ  മഹാരാജ്യം ഭരിക്കുന്നത്  എന്നതില്‍   നേരിയ   ഒരു    സംശയം ഇപ്പോള്‍ ഇല്ലാതില്ല .  
എന്നാണാവോ  ഇതൊക്കെ കൂടി  പൊളിഞ്ഞു വീഴുന്നത് എന്ന്  ആര്‍ക്കും അറിയില്ല .
ഇപ്പോള്‍  മറ്റൊരു  ആരോപണം  കൂടി  പുറത്ത് വന്നിരിക്കുന്നു . കോമ്മണ്‍ വെല്‍ത്ത്  ഗെയിംസ്  സംഘാടക  സമിതിക്ക്  എതിരെ ആണ്  അവസാനമായി ആരോപണം വന്നിരിക്കുന്നത് , അത് വെറും ആരോപണമല്ല  എന്നാണു മനസിലക്കാന്‍ സാധിച്ചത് , ഗെയിംസ് വില്ലജില്‍  ശുജീകരണ  പ്രവര്‍ത്തികള്‍ക്ക്  നിര്‍ത്തിയ  പാവപ്പെട്ട  തൊഴിലാളികളുടെ  ഒരാഴ്ചത്തെ  കൂലി  കൂടി  മുക്കി  എന്നാണ്  കേള്‍ക്കുന്നത് . ഓരോ  ആഴ്ചയിലും  ആയിരുന്നു  തൊഴിലാളികള്‍  കൂലി കൊടുത്തിരുന്നത് , അവസന  ആഴ്ചയിലെ  കൂലി കൊടുക്കാതെ  മുങ്ങാനുള്ള സംഘാടക സമിതിയുടെ   നടപടി തൊഴിലാളികള്‍  ഗെയിംസ് വില്ലാജ്  ഉപരോധിച്ചതോടെ പുറത്തായി . അവര്‍  അത് ലെറ്റുകളെ  തടഞ്ഞു വെക്കുകയും  ഗെയിംസ് വില്ലജിനു മുന്നില്‍ സമരം  നടത്തുകയും ചെയ്തതിന്റെ ഫലമായി  കൂലി  ശനിയാഴ്ച  കയിഞ്ഞു  കൊടുക്കാം എന്ന്  ഏറ്റു  തല്ക്കാലം  തടിതപ്പി .
ഒന്ന്  ചോദിക്കട്ടെ  സര്‍ക്കാരെ ...
ഇത്ര  ഒന്നും കാട്ടിക്കൂട്ടിയത്  പോര  അല്ലേ നിങ്ങള്‍ക്ക് ..
ഈ  പാവം  തൊഴിലാളികളുടെ , ഒരു നേരത്തെ  ആഹാരത്തിനു  വേണ്ടി,   നിങ്ങളുടെ ഒക്കെ  വേസ്റ്റും  മറ്റും  വൃത്തി  ആക്കിയ  ഇവരുടെ  പിച്ച ചട്ടിയില്‍ തന്നെ കൈയ്യിട്ടു  വാരണോ?
==================================================================


==================================================================

5 comments:

  1. രാഷ്ട്രീയം എന്നത് കച്ചവടം തന്നെയാണ്. സ്വന്തം നാടിനേം നാട്ടാരേം ഒറ്റിക്കൊടുക്കുന്ന കച്ചവടം!

    ReplyDelete
  2. മുനീറെ നിന്റെ തരിഘിട അടി പൊളി ആകുന്നുണ്ട് ///////////എനിക്ക് ഇത് വളരെ ഇഷ്ടമായി

    ReplyDelete
  3. രാഷ്ട്രീയം ഇന്ന് കുറേ പേരുടെ വരുമാന മാർഗ്ഗമാണ്.

    ReplyDelete
  4. രാഷ്ട്രീയ കച്ചവടം അവര്‍ നടത്തട്ടെ ...നമ്മള്‍ പിടിച്ചാല്‍ കിട്ടത്തില്ല . പക്ഷെ ഇതൊന്നും പോരാഞ്ഞിട്ടാണോ പാവങ്ങളുടെ ദിവസ കൂലി കൂടി മുക്കുന്നത് ? ഇവരൊക്കെ മനുഷ്യര്‍ തന്നെ ആണോ എന്ന് സംശയിക്കേണ്ടി ഇരിക്കുന്നു .

    ReplyDelete
  5. tarikida muneere ninte blog ushaarakunund 2 maassam kond 11000 visiters vannallo athaan valiya theliv ok very good

    ReplyDelete

എന്തെങ്കിലുമൊക്കെ കുത്തികുറിച്ചോ..മറക്കേണ്ട ..

Related Posts Plugin for WordPress, Blogger...