ഒരു കാലത്ത് നമ്മുടെ നാട്ടില്‍ സുലഭമായി നമുക്ക് കാണാന്‍ കഴിഞ്ഞിരുന്ന ഒരു പരസ്യ ഉപാദിയാണ് ബാന്നെറുകള്‍ . ഇന്ന് അവ കാണാന്‍ തന്നെ പ്രയാസമായിരിക്കുന്നു.
ഒരു തിരഞ്ഞെടുപ്പോ , ഉത്സവമോ , അല്ലെങ്കില്‍ ഒരു കടയുടെ ഉത്ഘാടനമോ മറ്റോ ഉണ്ടെങ്കില്‍ ആദ്യം നമ്മള്‍ ബാന്നെര്‍ എഴുതിക്കുകയാണ് ചെയ്യാറ്. എന്നാല്‍ ഇന്ന് ഈ ബാന്നെറുകള്‍ കാലഹരണപ്പെട്ടു കൊണ്ടിരിക്കുന്നു , ഇപ്പോള്‍ പേരിനു മാത്രം ഒന്നോ രണ്ടോ ബാന്നെര്‍ കാണാന്‍ കഴിഞ്ഞാല്‍ ആയി . വെള്ള ശീലയിലോ , മറ്റു ഏതെങ്കിലും വര്‍ണം ഉള്ള ശീലകളില്‍ പെയിന്റ് ഉപയോഗിച്ച് കലാകാരന്റെ ഭാവനക്ക് അനുസരിച് അതിമനോഹരമായി എഴുതി പ്രദര്‍ശിപ്പിച്ചിരുന്ന ഇത്തരം ബാന്നെരുകലയിരുന്നു അടുത്ത കാലം വരെ നമ്മുടെ നാട്ടിലെ താരം .
എന്നാല്‍ കമ്പ്യൂട്ടര്‍ , ഡിജിറ്റല്‍ പ്രിന്റിംഗ് , തുടങ്ങിയവയുടെ വരവോടെ ഇത്തരം ബാന്നെറുകള്‍ flex ബോര്‍ഡിനു വഴിമാറിയിരിക്കുന്നു . ഒരു കാലത്ത് ബാന്നെര്‍ എഴുത്തുകാര്‍ക്ക് നില്‍കാന്‍ സമയമില്ലാത്ത അവസ്ഥ ആയിരുന്നു . എന്തിനും ഏതിനും ബാന്നെര്‍ ആയിരുന്നു പരസ്യ മാര്‍ഗമായി ഉപയോഗിച്ചിരുന്നത് .
ആളുകള്‍ക് ഇപ്പോള്‍ പ്രിയം കണ്ണഞ്ചിപ്പിക്കുന്ന vinyl പ്രിന്റിങ്ങിനോടും മറ്റും ആണ് , ഇത്തരം flex ബോര്‍ഡുകളുടെ വരവോടെ ബാന്നെര്‍ എഴുത്ത് മേഖല മൊത്തത്തില്‍ ഇല്ലാതായി കൊണ്ടിരിക്കുകയാണ് . ബാന്നെറുകള്‍ കൊണ്ട് പരിസ്ഥിതിക്ക് കോട്ടം തട്ടിയിരുന്നില്ല , എന്നാല്‍ flex ബോര്‍ഡ്‌ കൊണ്ട് പരിസ്ഥിതിക്ക് കോട്ടം തട്ടുന്ന വിധം ആണ് ബോര്‍ഡുകളുടെ പ്രവാഹം .എന്തിനും flex അടിക്കുക , എന്നാല്‍ അതിന്റെ ആവശ്യം കഴിഞ്ഞാല്‍ അത് യഥാസ്ഥാനത് മാറ്റാതെയും അല്ലെങ്കില്‍ എവിടെയെങ്കിലും കൊണ്ട് തള്ളിയും പരിസ്ഥിതിക്ക് പ്രശ്നമാകുന്ന വിധം ആണ് ബോര്‍ഡുകള്‍ കൊടുന്നു വെക്കുന്നവര്‍ പ്രവര്‍ത്തിക്കുന്നത് .കാലം മാറുമ്പോള്‍ കോലവും മാറണം , പക്ഷെ അത് നമ്മുടെ പരിസ്ഥിതിക്കും സംസ്കാരത്തിനും കോട്ടം തട്ടാത്ത വിധം ആയിരിക്കണം എന്ന് നാം ഓരോരുത്തരും ചിന്തിച്ചാല്‍ ഭാവിയില്‍ വരാനിരിക്കുന്ന വലിയ ഒരു ദുരന്തത്തിന് ഇന്ന് തന്നെ നമുക്ക് തടയിടാം .
നമുക്കിപ്പോള്‍ ശുദ്ധ വായു , ശുദ്ധ ജലം , തുടങ്ങി ശുദ്ധമായി കിട്ടികൊണ്ടിരിക്കുന്ന ഓരോന്നും നഷ്ടപ്പെട്ടു കൊണ്ടിരിക്കുകയാണ് , അറിഞ്ഞോ അറിയാതെയോ നാമെല്ലാം ഇതിനു ഉത്തരവാദികള്‍ ആണ് . നമ്മള്‍ ചെയ്യുന്ന ഓരോ പ്രവര്‍ത്തിയിലും നന്മയും സത്യസന്തതയും നഷ്ടപ്പെട്ടുകൊണ്ടിരിക്കുന കാലം .
ഇനി തെരഞ്ഞെടുപ്പ് കൂടി വരാന്‍ പോകുന്നു , ഇനി flex ബോര്‍ഡുകളുടെ ഒരു നീണ്ട നിര തന്നെ നമുക്ക് വഴിയോരങ്ങളില്‍ കാണാന്‍ കഴിയും , തെരഞ്ഞെടുപ്പ് കഴിഞ്ഞാലും ആ ബോര്‍ഡുകള്‍ അവിടെ തന്നെ ഉണ്ടാകും . അത് അവിടെ വെച്ച താല്പര്യം അത് എടുത്ത് മാറ്റാനും നിങ്ങള്‍ കാണിക്കണം .
======================================================================
======================================================================
0 comments:
Post a Comment
എന്തെങ്കിലുമൊക്കെ കുത്തികുറിച്ചോ..മറക്കേണ്ട ..