Saturday, October 29, 2011


കുട്ടികളുടെ ഒച്ചയും വിളിയും കേട്ട് കൊണ്ടാണ് ഞാന്‍ ഉറക്കം ഉണര്‍ന്നത് .
ഉറക്കച്ചടവോടെ ഞാന്‍ ബെഡ്ഡില്‍ ചമ്രം പടിഞ്ഞിരുന്നു .
" എടാ ,ഒച്ചയും വിളിയും ഉണ്ടാക്കല്ലടാ , എന്റെ കുട്ടി ഒന്ന് വന്നു കയറി കിടന്നത്തെ ഉള്ളു " ഉമ്മയുടെ  വര്‍ത്തമാനം ഹാളില്‍ നിന്നും കേള്‍ക്കാം .


പെങ്ങളുടെ കുട്ടി " ഇല്ലിമ്മച്ചി.. മിനീര്‍ മാമന് നീച്ക്ക്നു " എന്നു  ഉമ്മയോട് ചെന്നു പറയുന്നത് ഞാന്‍ റൂമില്‍ ഇരുന്നു കേട്ടു.
ഉമ്മ ഒരു ചെറു പുഞ്ചിരിയോടെ എന്റെ അടുത്തേക്ക് വന്നു കൊണ്ട് പറഞ്ഞു " കുട്ടികളൊക്കെ  പെട്ടി തുറന്നു മിടായി തിന്നാനുള്ള  തിരക്ക് കൂട്ടുന്നു ."
നീ ആ പെട്ടി തുറന്നു കുട്ടികള്‍ക്ക് ഉള്ളതെങ്കിലും എടുത്തു കൊടുക്കു "
ആ ശരി , ഉമ്മ പോയി ഒരു കട്ടന്‍ എടുത്തു കൊണ്ട് വാ , അപ്പോല്തിനു ഞാന്‍ ഒന്ന് കുളിക്കട്ടെ ." ആരൊക്കെയാ ഉമ്മ കോലായില്‍" ഞാന്‍ ഉമ്മയോട് ചോദിച്ചു .
"ആ അത് ഞമ്മളെ  മയമ്മാദ്  കാക്ക  ആണ് "
അതും പറഞ്ഞു ഉമ്മ അടുക്കളയിലേക്ക് പോയി ..
ഞാന്‍ കുളിക്കാനായി ആ "ഗള്‍ഫ്‌ ടര്‍ക്കി " ഒക്കെ എടുത്ത് ബത്ത്രൂമിലെക്ക് പോയി ..
കുളിക്കാനായി തണുത്ത വെള്ളം  തലയിലേക്ക്  എടുത്തു ഒഴിച്ചപ്പോള്‍ ഞാന്‍ ഒന്ന് ഞെട്ടി , കണ്ണ് തുറന്നു നോക്കിയപ്പോള്‍ പെയിന്റ്  അടര്‍ന്നു വീഴാറായ  മേല്‍ക്കുര, മൊബൈല്‍ എടുത്തു നോക്കിയപ്പോള്‍  സമയം 4  മണി .
ഒരു നെടുവീര്‍പ്പോടെ  ബെഡ്ഡില്‍ നിന്നും എന്നീട്ടു ,
സ്വപ്നം കാണാന്‍ കണ്ട നേരം , പണ്ടാരം  ഇനി വീണ്ടും പണിക്ക് പോകണമല്ലോ എന്നു മനസ്സില്‍ ഓര്‍ത്തു " വീണ്ടും "[ ഒറിജിനല്‍ ആയി ] ബാത്ത് റൂമിലേക്ക് പോയി ..

മ്യാവൂ - ഇങ്ങനെ ഒരു ദിവാസ്വപ്നം  കാണാത്ത പ്രവാസി ഉണ്ടോ ? ആ ഒരു സ്വപ്നം മനസ്സില്‍ ഒരുപാട്  പ്രതീക്ഷകള്‍ നല്‍കും , ഉണര്‍വ്വ് നല്‍കും , ഏത് പ്രതിസന്ധി  ഘട്ടത്തിലും ഒരു പ്രവാസിയെ ഇവിടെ പിടിച്ചു നിര്‍ത്തും , നാട്ടില്‍  പോയി ആ പച്ചപ്പും  ഉമ്മയും ഉപ്പയെയും മറ്റു കുടുംബക്കാരെയും  അയല്‍വാസികളെയും  കൂട്ടുകരന്മാരെയും  ഒക്കെ സ്വപ്നം കണ്ടു ഓരോ പ്രവാസിയും ദിവസങ്ങള്‍ തല്ലി നീക്കി [ ശരിക്കും  തല്ലി  തന്നെ ആണ് നീക്കുന്നത് , തള്ളി അല്ല ]  ഇവിടെ കഴിയുന്നു .

5 comments:

  1. അപ്പോള്‍ നിന്റെ മനസ്സിലും ലഡ്ഡു പൊട്ടിയല്ലേ:-)

    ReplyDelete
  2. അത്തായിരിക്കണമെടാ പ്രവാസി , ഹും

    ReplyDelete
  3. ellavarkkum ulla swapnam meneer (ആ ഒരു സ്വപ്നം മനസ്സില്‍ ഒരുപാട് പ്രതീക്ഷകള്‍ നല്‍കും , ഉണര്‍വ്വ് നല്‍കും , ഏത് പ്രതിസന്ധി ഘട്ടത്തിലും ഒരു പ്രവാസിയെ ഇവിടെ പിടിച്ചു നിര്‍ത്തും )

    ReplyDelete
  4. ഹും മനുഷ്യനെ വെറുതെ കൊതിപ്പിച്ചു !!!!!!!!!!

    ReplyDelete
  5. എനിക്കിപ്പോ നാട്ടില്‍ പോണം............ങ്ങീ ...ങ്ങീ...ങ്ങീ....

    ReplyDelete

എന്തെങ്കിലുമൊക്കെ കുത്തികുറിച്ചോ..മറക്കേണ്ട ..

Related Posts Plugin for WordPress, Blogger...